බේකර් නුදුටු වසන්තය - BAKER NUDUTU WASANTHAYA

කර්තෘ පිළිබඳ හැඳින්වීම 

මෙහි කතුවරයා වන ජයසේන පයාගල යනු  පේරාදෙණිය විශ්වවිද්‍යාලයේ සහ වයඹ විශ්වවිද්‍යාලයේ ද මූලාධිකාරීවරයා ලෙස කටයුතු කර ඇති අතර, වෘත්තියෙන් ගණකාධිකාරීවරයෙකි. වෘත්තීය විෂයට හාත්පසින්ම බාහිරව ගහකොළ සහ සතා සීපාවා කෙරෙහි අසීමිත සෙනෙහසක් දක්වන ඔහු, කල්පනා සහිත කලාත්මක ඇසකින් ලොව දෙස බලන අයෙකි.

කෘතිය පිළිබඳ හැඳින්වීම 

ස්වභාවධර්මයේ අපූර්ව නිර්මාණයක් වූ නුවරඑළිය ආශ්‍රිත ශ්‍රී ලංකාවේ කඳුකර ප්‍රදේශය, සුදු අධිරාජ්‍යවාදීන්ගේ මනදොළ සපුරාලන ආකාරයෙන් බ්‍රිතාන්‍ය ජාතිකයන් විසින් ප්‍රතිනිර්මාණය කරන ලදී. ඒ හේතුවෙන් එතෙක් පැවති දේශීය බෞද්ධ සංස්කෘතිය, අවිහිංසාවාදය මත පදනම් වූ ස්වයංපෝෂිත කෘෂි ආර්ථිකය සහ දුර්ලභ ජීවීන්ගෙන් යුත් වනාන්තර විනාශ මුඛයට ඇද දමන ලදී. සුදු පාලකයන් විසින් කඳුකරය මුඩුබිමක් බවට පත් කළ ආකාරය සනාථ කෙරෙන විරහිත ප්‍රබන්ධ කතාවක් ලෙස "...බේකර්......" මම දකිමි (මෙහි බේකර් යන්නෙන් අදහස් කරන්නේ නුවරඑළිය ආශ්‍රිතව කටයුතු කළ සැමුවෙල් බේකර් විය හැක).